SR : Melthum leh Hlimen Chhiatna Thleng | 28.5.2024

Khuarel chhiatna te Han tawh hian..Kan Mizo tlawmngaih na Zo Nunmawi ngei mai kha alo parvul leh thin..Mizo Kristian tlawmngaih na hmuh a nuam thin mange Ruahpui hnuaia thawk chhuak ho ka hmuh hian ka Hnuk a ulh..Lalpan a let Tam takin rul cheu rawh se 🙏😢

Tupawh thi emaw damin emaw an hmuhtheih lai hian engatinge Medical Emergency Duty hmel hi a bulhnai ah ka hmuh miahloh le? A hmunah khian an awm ve ngei ngei tur ani. Hliam tuar an rawn zawn nal nal te kha a hun kha a uihawm. Emergency Duty hian thutchilh thei ngei se hetiang chhiat tawh nikhua hian. Ambulance pawh hnaivai thei angber si a him ah dahin Doctor leh Nurse in thutchilh tlat thin se ava duhawm em...

Tui taka an mut lai a ni ve awm si a.... Kan fel vang leh kan ṭhat vang bik nilo a kan chan hi kan va vannei em....! Lawmthu sawi nachang i hria ang u... Tin, chhiat tawk chhungkua te Lalpa'n awmpui mawlh teh se.... 😭😭🙏🙏🙏

Midang in khutah an tih mai te pawh.. " khuuuuuuutah" ihan tibik hi chu a ngaihnawm bik em em mai ni. A hlat hmel ngawih2. Achiaaaaang thlawwwt

Pu Vana hi chu report pekah nanana hi chuan a sial ve em a ni. Ngaihthlak a manhla bik. Chhiattawka In leh lo, nuna chan zawng zawngte ka lainat ngawih ngawih. R.I.P. 💐

Report engemawzat awm mahse, Pu Vana Report chiah ka en tluan peih e. A chiang, fiah felfai ṭhin em em bik a ni. A number one ṭhin e.

Tawngtaipui kan ngai a nia aw Quary lam veng ho chu an in sawnchhuak vek a,kan thenawm te pawh a den lutuk keini pawh kan riak chhuak daih chhiatna thlen tawhlo turin minlo Tawngtaipui ru aw😭😭😭...Melthum chuanhnuai hnawlin a len tak in bul chiah hi kan luah ve thin a,laluah ta ila engtinnge ka awm ang tih ka ngaihtuah ngamlo😭😭

Chang chhuak ta e. Pu Vana report ngei mai hi a Chiang thin. Chhiat tawk chhungte ka khawngaih ltk. Chhiat tawk a nunna Chan te thlamuang takin chawl mawlh rawhse.

Thahnem ngaihna in kan sawi ve mai mai, ngatinge hetiang a khuarel chhiatna a thlen hian a bik in kan ramah hian medical team hi an awm ve thinloh chhiatna hmunah hian, (anlo awm anih chuan min ngaidam se) .

Pu Van nangkher hi chuan politic khel tawh reng reng suh aw. Hetianga reporter ini hi i inhmeh ber mai. I awte pawh ngaihthlak a nuam a ni. Khuuuuutah khiiiiiitah ihan tite hian ahlat dan tur kan lo hre thei ṭhina a nuam bik reuh a ni.

Ava pawi tak em aw!Chhiattawkte Pa ângchhungah thlamuang takin chawl mawlh rawh se💐

Unconcious/ ala chatthla chiahlo tihte an awm a.. ahmun ah hian Medical team te awmse, CPR te tiin,a țul dan a zirin han bawihsawm se... ambulance khi ahim lai chin ah emaw awm se.. engpawh nise, an lungphu anla hmuh chuan buaipui chhunzawm nghal thei nise, ahmun ah hian ahim chin ah hian medical team khan lo chang tawp se..ka ngaihtuahna ah alo awm ve mai mai... eng dinhmun ah pawh ding se an la chahthlakloh kha chuan chance kha ala awm ve thei angem tih rilru ah alo lang.

36:25 Before & after thlalakah hi chuan he building sen hi leiminah chuan him viau tur angin a lang.. Him deuh anga lang pawh hi him lo a lo tam thei dawn khawp mai.

A van pawi tak em...😢 Lalpa i rorel dan hi mihring te hian hriatthiam loh chang kan va nei tam thin em...!?🤷🤦😢 Lalpa khawhar chhungte nangin ompui tlat ang che aw...🙏

Potnat umlheh jenge. Pathen in Mizoram umpi jing tahen. My prayers are with you. ❤Rip to our brothers and sisters. 😢😢😢

“Prevention is better than cure” tih thufing hian kan ramah chuan ngaih pawimawh a la hlawh thei rih lo chu a ni e. INPUAHCHA NEP H.C. Vanlalruata Mihring nunna chăn tam zawnga teha Mizorama ţum khata chhiatna râpthlâk ber thleng zȋnga lang pha ngei ngei tùr chu kar kalta Thawhlehni zinga cyclone Remal-in a ken tel ruahpui vănawn sũrin mi 34 aia tlêm lo thihna a thlen kha a ni awm e. Hetiang khawpa râpthlâk hi Mizoramah thil a thleng zen zen lova, a râpthlâk tih loh theih lohna chu mihring thihna mai bâkah chhungkaw thih mang vekna leh thih mang ţhelhna thleng a nih vâng a ni a. Hei hian chhiatna laka Mizoram, a bikin sorkar inpuahchahna leh inrâlrinna nêpzia a pho mualpho chiang khawp mai. Tun hma chuan Mizo pi leh pute’n ruah sũr tam leh tlém tur te hi thla dé aţang leh kawng hrang hrangin an hrilh lawk ve ţhin ngei mai a. Khatih lai hun kha chuan khawl changkăng engmah awm lo a ni chungin thing leh mau, ramngaw a la ţhat avăngin kumtin khân khawchin a danglam nasa lutuk lo. Chutih rualin ‘Minpui Kum’ te pawh an tawng ve ngei mai. Tunlai khawvel changkâng tawha, thlipui (ţo haw leh a dang) bâkah Mizovin ‘thlichhia’ kan tih mai ‘cyclone’ tleh hun tur thlengin khawl changkâng hmangin kan hre lawk thei tawh a ni. Chutiang a nih tawh hnu-ah chuan Mizoram sorkar inpuahchahna leh inrinlawkna hi a la nêp tak zet tih hi zêp rual a ni lo. A sorkar berin inringlawka chhiatna lo thleng tùr laka inpuahchahna fel nei hauh si lova mipui hnena inrâlring tur leh hlauhawm lo thleng tur inhrilhlawkna a puang fo mai hi a zahthlâk satliah lova a nghawng hi a pawi ţhin tak zet a ni. Ram chhunga khaw chin chungchânga ram pumin rinrawl bera kan neih India Meteorological Department (IMD) puan khan ngaih pawimawh a hlawh tawk lo tih a chiang a. A finfiahna chu a lang reng mai. Pathianni hmasa (May ni 26) khan Mizoram sorkar chuan ‘official’ takin thuchhuah chu a siam ve ngei mai a. Chu a thuchhuah chu Directorate of Information & Public Relations website-ah tihchhuah a ni a. A ngai ngai tak meuhin i chhiar leh teh ang (an Mizo ţawng hman dik loh pawh kan siamţhatsak lovang) : - “CYCLONE REMAL CHUNGCHANGAH MIPUI TAN CHIAI NA TUR A AWMLO; THLIPUI LEH RUAH THLENG PALH THEI. 563/2024-2025 “26.5.2024: State Meteorological Centre, Government of Mizoram chuan thuchhuah siamin, Bay of Bengal chhim chhak lama insiam mek Cyclone Remal chuan a hrut theih zingah Mizoram tello mahse May 26th leh 27th, 2024 ah hian Mizoram hmun thenkhat ah ruah tam tham tak rawn thlen tur leh thli na vak lo (50-70 kmph vel) thawk thei a ngaih a ni. “Thlipui chungchangah hian mipui te chiai lo turin inhriattir a ni a, amaherawh chu mipuite thlipui leh ruah thleng palh thei laka fimkhur tur leh a hnuai a tarlan te hi zawm turin hriattirna siam a ni. “1. Mahni in leh lo thli leh ruah in a dawl theih nan a tul anga thawm that ngai lai te thawm that tur a ni. “2. Mahni in leh a velah lei min hlauhawm a awm anih chuan Silpauline /Tarpaulin a khuh that tur a ni. “3. Thing leh mau, thli in a len thluk mai theih, electric wire delh mai thei te chu kih/ a zar thlak tur a ni. “4. Thlipui leh ruah avanga eng (current) neihloh theih a nih avangin electric hmang thil te charge lawk in, eng awmloh a eng chhit tur kan in ruahhman lawk tur ani. “5. Lui leh tui hmunah te kal loh tur a ni. “6. Thu dik tawk lo leh belhchian dawl lo thehdarh loh tur a ni a, lo thehdarh an awm chuan Disaster Management Act, 2005 hnuaia hremna dan ziak angin an chhungah action lak a ni ang. “Khuarel chhiatna a lo thlen in State Emergency Operation Centre Toll free Number: 1070, Extension of Emergency Response Support System Number: 112, leh District tinah District Emergency Operation Centre Toll Free Number :1077 hi engtik lai pawha biak pawh theih reng a ni e.” Hei hi a ţangkai hauh lo ti tawp mai ang. Sorkar inpuahchahna nêp lawi si zia erawh hi chu pho mualpho ngei ngei a ngai thung a ni. Mipui hnenah inpuahchah tùrin sorkarin ngenna a siam a. A siamtu erawh chu eng kawng mahin a inpuahchah lawk lo. State sorkar dangte chuan hetiang thil thleng thei a awmin Chief Minister hova (CM hi state disaster management authority-a chairman a ni) ţhukhawmin ruahmanna an siam rum rum a (Tripura). Keini chu an thawm kan hre ve miah lo. Chutah a lo thleng ta a le. Zan khat leh ni khat ruahpui vânawn sur ngawt pawh kan tuar na hle. Kan kawngpui zawng zawng a min a, a ping nghal a ni ber a, inpuahchah lawk se la chuan kawng min thei tur thian nghâl turin lei laihna khawl inrintȋr nghal ţhup sa theih a ni. Kawlphetha kan thim ţhup a, mobile phone hmanga inbiakpawhna a chhe nghâl êm êm a. Mi 34 zetin nunna an chân tâkah khan Aizawl chhim lam chu biak pawh hleih theih lovin a awm nghâl a. Aizawl mipui-in kan tui tlan ber Tlawng lui lianin tui pump khawl a chȋm pil nghâl bawk a, khua a hnawn tehlul nén sorkarin tui in tur min pek tur a nei lo nghâl a nih kha. Kan sorkar damdawi-in lian ber Falkawn-a State Referral Hospital leh kan medical college neih chhun ZMC chu tlawh pawh theih lohin a awm nghâl a. Helicopter ţumna tur siam a lo nih bawk si loh avangin damlo chauh ni lo, hnathawkte an tangkhang nghâl bawk a. Lǐrnghǐng na tak kan la tawk lo hi kan vannei hle a ni ringawt mai. Chhiatna lian tham a lo thlen thulha kan sorkar inpuahchahna nêpzia leh ruahmanna awm lohzia tun thilthleng hian a tichiang tak zet a ni. Social media lama nunna chân chhũngte cheng chuti zât an pe nghal, a chanvé chauh an pe tih mai mai kan buaipui luih luih lai hian kan dinhmun dik tak derthawnzia lam ngaihtuah thleng peih an tlêm lutuk kha a nêp. Chhiatna a thlen hma ni 3/4-a ‘warning’ kan dawn tawh chung leh mipui hnêna inrâlring tur leh chutiang/khatianga inpuahchah tùra ngenna chhuahtu sorkar ber kha a lo la inrâlring lova, a lo inpuahchah lawk hauh lo tih kha ngaihtuah thlen ngei a ngai. ‘Disaster management’ kan tih mai pawimawhna hi kan chiang lo hle a ni. Chhiat rupna a lo thlen hian kawng a ping thei tih hria-in inpuahchah lawk a, kawng thianfai nghâl theih tùra inrin lawk a ngai a. Kawlphetha, tui pêkna leh inbiakpawhna chhia siamţha nghâl tùra inrâlrin a ngai bawk. Chumi hma a nih loh pawhin a rualin inbiakpawh zung zung theih na’n inbiakpawhna chhe mai mai lo tùra inpuahchah bawk tur a ni. Kan sawi vek sêng lo ang a, pawimawh êm êm mai chu, hliam enkawl lam a ni. Chumi ti tùr chuan a hma lama kan sawite khi a pawimawh vek thung. Hmasawnna hnă eng emaw sorkarin a thawhin a hawn lam kan phùr a, thu kan insawi thiamsiak bawk ţhin a, mahse, chhiatna lo thleng thulha ruahmanna lam kan tlachham lutuk ţhin hi a pawi a ni. Sawi leh sawi hnu Referral Hospital leh kan medical college neih chhunah pawh helipad siam nachang hre lova kan din ve tawp mai pawh hi a ho tak tak a ni. Hei hian thil tak tak ngaihtuahna leh hmathlǐr kan tlâkchhamzia a tilang chiang hle. Khu lamin an rawn siam Mizoram University-ah te chuan helipad hi a tǐr aţangin an siam nghal a nih kha. Engkimah ‘management’ hi a pawimawh êm êm reng a. Mizorama kan kal dan erawh chu ruahmanna fel leh hmathlǐr thui (management by planning) ni lovin chhiatna, leh tawrhna a lo thlen hnu a phȋlǐ buai vak lawi si ang chi (management by crisis) a ni a. Hei hi kan phâk tawk a nih chhũng chuan Thiangzau hovin ‘a tlachawp’ an tih ang hi kan phâk tawk a ni mai. Melthum/Hlimen hi AMC huam ni si a, lunglâkna hmun thlanga insak phal a ni pawh hi dăn kenkawh hlawhchhamna lian tak a tling nghal. Tùna chhiatna râpthlâk leh runthlâk tak kan tawh aţang hian sorkar hi harh thar se la a lawmawm ngawt ang. Mipui zirtirna pêk a, lo thăwt lăwk pawh a ţul. Chutih lai-in mawhphur bertu tùr sorkar a inpuahchah lo leh inrâlring lo lutuk kha inenlêt na’n hmang se la. Hrilh lawk theih loh lǐrnghȋng lo thlen thulha a buaipui dân tur tih chhin (mock drill) buatsaih zin piah lamah hian a tak taka che nghâl zat zat thei tùra inbuatsaih lawk a ngai a ni. Entȋrna atân, tuilianin a chȋm tawh lohna tura mipui mamawh ngawih ngawih tui pump khawl him taka dah tùra ruahmanna siam nghâl ang chi kha tunah pawh kan mamawh nghâl chu a ni e. Tuilêt dawna Pathianin ruahmanna siam a, a hma daih aţanga Nova lawng a tuktȋr kha inzirna atan i hmang ang u.

Kan ram leilung hi a nghet lovin, lirnghing pawh zone 5 ah kan awm si a. Heng chhiatna thleng ah hian tumah ka dem lova, in kan sak dan ah erawh chuan uluk a ngai ta hle mai. Tui luanna tha siam, drain siam tam leh in leh a vel te cement plaster, retaining wall siam te uar hle a ngai ani. 100 ah 100 ven him theih ni lo mahse, tui luan na leh a paihna, kan compound te lung rem tha leh plaster kan uar chuan enge maw zat chu kan venghim thei ve deuh ngei ang. Tin, mi tamtak chuan hmun hrang hrang ah kan awm lohna tur, mi luah tur te kan sak thar hian a lo awm tawh te tan dinhmun hlauhawm kan siam thei hle ani. Uluk vak lova, sak te, chhawngnasa deuh mai a, a kaw thei zawng zawng leh bel theih na a rit leh sang tak tak a kan bel hian lirnghing ah mangkhawng turu tak tak, a thlang/a bula lo awm nghet tawh te tan kan sa fer fur mai ani. A tlai tawh mah mah a, chhiatna nasa tak ven nan tun atanga plan mumal deuh zawk leh restrictions te pawh duan a ngai tak zet ani.

Quarry hi a neitu tanah chuan sum a hmuh na hnar mahse, chhiatna thlen phah nachhan a chang leh thin a, a tuartu te hi an lainatawm hle thinai, sawrkhar hian khaw chhung ah quarry siam phal tawhlo se, leilung a nghawr chhiat leh mual nghet sa lung an lak chhuah zel hian lan ram leilung nghetlo mihring chenna hmun ni si hian ruah sur te a lo do zo talo a nih hi.

Chhiatna tuar tu chhungkua te tan chuan a van na dawn vawng vawng em!!! A rapthlak em a ni... Khawhar chhungte Pathian in thlamuan in awmpui zel rawh se...

An lainatawm lutuk. Khing lai tlangah khian engtin nge an awm zawk le. Khuarel chhiatna hi pumpleh theih vek loh mah se, pumpelh theih chin hi a awm asin le. A pawi mang e.