清水灣 傲瀧｜「明星屋苑」蝕讓之謎？！｜過千呎三房套 蝕逾200萬元放盤｜超過一半係特色戶？
50,451
Published 2024-07-07
.
遠離市區的清水灣，向來都是傳統的豪宅地段。近年有不少新晉屋苑進駐，好像由新世界發展的傲瀧，在2018年入伙，樓齡約6年。它的實際位置，在香港科技大學後方，毗鄰大埔仔村。雖然整個屋苑好像半包圍著大埔仔村，惟因村屋最高只有3層，加上本身所在位置被連綿山巒環抱，所以絕大部分單位都可以享有非常開揚的大自然景觀，部分更可以遠眺海景；而即使望內園，發展商也做了不少綠化設計。傲瀧採用中低密度設計，住宅部分由21座4至7層高的大廈，及6座3至4層高的大樓組成，以一個類似反轉了的阿拉伯數字「6」字排列，合共提供680伙。由於這一帶少有大型分層住宅屋苑，而且私隱度較高，所以備受商界或專業人士，甚至娛樂圈藝人追捧。
.
傲瀧的開則頗多元化，標準戶由409平方呎的一房，至近2000平方呎的四房雙套不等，當中三及四房佔比最多。另外還設有301伙，即接近一半的特色單位。當中除了有我們平日經常看到的連花園、平台或天台特色戶外，還有70多伙連花園複式、連天台複式及三複式戶選擇，分布於那6座住宅大樓中，都是四房單位，實用面積由2201至3372平方呎不等。不過今次參觀的放盤是一個標準單位，來自15座中層C室，屬三房套單位，實用面積1157平方呎。業主現時連一個車位，以叫價1780萬元放售，呎價約1.53萬元。
.
一進來單位，會先有一個約20平方呎玄關，已經預留了凹位擺放鞋櫃等。客飯廳呈長直形，逾250平方呎。因為寬3.5米，即約11尺，所以即使想有多些收納空間，造一大組儲物櫃，再擺放飯桌都不會覺得很擠迫。加上這裡樓底高3.375米，即約11尺，所以空間感非常充足。單位向西，望內園，會看到對面的座數。惟因中間是行車道，加上種植了不少樹木，所以感覺也不會很壓迫。加上這個屋苑，就是採用中低密度的設計，所以即使這個單位位處中層，外望仍然看到天空及遠山景。整個感覺都比較清幽及舒服，而且採光也是非常好。假設新買家借盡七成按揭，每月供款約6萬元，月入要求要約12萬元。
.
延伸閱讀：
* 傲瀧 www.28hse.com/estate/detail/mount-pavilia-8779
* 更多樓市影片 www.28hse.com/news/video
.
#傲瀧 #清水灣 #西貢 #三房 #四房 #山景 #海景 #商場 #複式 #豪宅 #一手 #二手 #呎價 #租務 #成交 #樓市 #地產 #香港 #九龍 #新界 #易發睇樓團 #樓盤任您睇
.
如果大家有咩樓盤想知多啲，記得留言話俾我哋知📢！！
.
［記得幫手like👍我哋嘅Facebook同訂閲🛎YouTube channel啦，仲要將28Hse專頁設定為＂搶先看／See First🧐＂］
.
📍Facebook: www.facebook.com/28Hse
📸Instagram: www.instagram.com/28hse_com/
📱Twitter: twitter.com/28Hse
🎞YouTube: bit.ly/3oG0Stl
All Comments (21)
-
更正： 當年業主以約1993元萬購入單位，另加200萬元購入車位，合共2193萬元。假設成功以目前叫價1780萬元（連車位）賣出，業主帳面蝕約413萬元或近一成九。
-
當年有去睇新樓，過20000一尺。一來貴，二來交通購物不便，三來多明星買同我無關。後來去買了坑口的複式舊盤，好彩！否則，依家不但蝕大本，而且，想甩手套現都難，一定比坑口舊樓難，因為人流少冇乜人特燈上去清水灣睇樓。
-
環境清幽附近四周都係低密度樓，啱d鍾意寧靜半退休生活人士，有揸車其實出返市中心好方便，而且連車位唔駛泊出面爛地或者公眾停車場。依家個價跌到變返正常貼地d，有興趣可以留意下銀主盤執荀貨，或者壓下業主價，放盤1年都賣唔出，吉左咁耐唔放租又要俾管理費差餉，咁大條數白白冇左唔會再等多年，樓市一路向下沉，有錢揸手有計傾大蟹貨等鬆綁。
-
業主現時叫價已經帳面蝕413萬😮蒸發左舊錢已經可以買到個2房單位 不過有錢人唔會介意啦，都叫開心住左幾年靚樓快樂無價，觀眾唔駛過份擔心肉痛😅欣賞完條片睇左當住左。難得四周圍都係樹一片綠油油好舒服，一帶建築物全部又低密度，位置郊區得嚟又近市區，最緊要有架車就好方便
-
管理費貴到PK，養好多閒人，去過多次見d職員幾個一齊無嘢做吹水，停車場竟然仲安排人指揮交通。。。。加上塞車到爆，真係咪搞，買嘢食嘢全部都要揸車，好唔方便
-
的確低密度, 私隱度高, 但管理費貴, 又有斜坡等既maintenance cost, 出入又要車位, 多一架車都無位擺, 無車既又要駁小巴出入MTR, 租出既回報又唔多, 租出機會又唔高, 見佢成交多數都蝕, 甘其實有錢買.....都買D有更好回報既盤啦, 要租都租D方便出入、交通方便D既單位啦。惟一仲想租/買呢度既原因, 可能你想搏到見下明星/住係明星隔離?! :yougotthis:
-
好正啊~~攝影師有功勞~~!! 能取消字幕更好
-
呢個放盤價連埋車位，算合理。再減多少少可接受。 主人房套廁有驚喜，唔錯。不過個兩間細房無窗要開門，好扣分。 有朋友住呢個屋苑，去過幾次。當時剛入伙全新，我一聽$20000一呎已經覺得前景不樂觀。 一）就算揸車，都太唔方便。一家幾口有小朋友當你有1-2架車，都好沉重既接送壓力。唔係車既問題，係時間問題。除非完全唔駛做。 二）屋苑用料質素幾一般，都唔係咩靚野，一入伙就爆屎渠。 內園既園景都頗頹。被山環抱即潮濕，潮濕令屋苑老化得比一般快。 當一個高中產/ 豪宅屋苑入伙10年，個樣唔再光鮮+出名蝕讓，追求質素同威既高中產人士唔會想接貨，最後就會變左類似荃灣半山個啲適合自用、貪佢抵食夾大件既平價郊區樓，唔再係少豪既靚樓。 下一個同一命運既屋苑將會係新九肚既名日九肚山。 3）如果論環境好同大空間，呢個屋苑性價比又唔夠高。新界既半新house、香港好多半山既大單位、甚至乎比華利山都有更好既選擇。 Lesson learnt: 買一手樓，尤其地段比較遠離市區既，蝕得起同豁出去才好唸，真係要當買心頭好/ 要同佢一生一世先好唸。
-
環境好chil好舒服，樓底高光線充足間格四正，私隱度高唔駛樓望樓，會所夠大齊全，如果傾到1650~80萬好正，連埋車位出入方便，就算請姐姐出面都有大把車可以搭，寧願住依度好過住大西北，前後左右俾一堆公屋包圍
-
去將軍澳同西貢都係大部份單線行車, 中間有咩交通意外就正式圍困喺山上. 朝早8點開始到9點半, 下晝4點到6點都一定兩邊塞車, 放假晚食時間又係塞又多Holiday driver多意外. 唔塞車要出外返工(沙田, 觀塘, 東區)起碼要30分鐘車程, 真係極唔方便, 冇得搞. 其實呢個價, 加少少點解唔住銀線灣果邊.
-
呢個盤好神奇，我冇見過有人賺過錢，明明其實唔係離市區好遠
-
呢D樓盤就係當時市道蜴旺, 乜地點既樓盤開賣, 都要2萬蚊呎, 又一蟹貨屋苑, 不過唔同納米樓, 買得都係有錢人, 蝕得起
-
1157呎要近6k管理費都幾貴吓
-
如果想搵私隱度高嘅屋苑，呢個係個唔錯嘅選擇，但就要接受日日都親親大自然，好多昆蟲黎探訪你。如果唔介意村屋同私隱度，喺隔離大埔仔村買一幢村屋黎住會唔會仲爽？😂
-
業主再唔減價，就唔知再hold 多幾多年
-
好多好多蚊，我朋友屋企有兩個小朋友被咬得手腳都腫已經考慮搬走唔想住。
-
個環境的確好清幽舒服，個單位個廳好大，四四正正，傢俬幾好擺。 但露台位望出去就已經直接望到對面嘅住戶，私隱度欠奉。 除咗主人房，其他房間感覺就好細。 交通方面，唔揸車的話，由屋苑行返出去搭小巴落坑口寶琳站，再出去市區返工就比較辛苦。如果有村巴的話就會好啲。 多謝介紹，繼續加油💪🏻
-
標題成日係層樓唔使幾錢幾錢咁，主持應該搵好多！
-
好舒服好正
-
如果我有錢買呢度，我會覺得同朋友或司機講我住係一個叫「傲瀧」嘅地方，係好娘，好作狀，好肉酸，好新發財feel。麻煩同物業改名果班去理解下有錢買家嘅心態。
